|
Con la financiación de:
|
En los últimos 6 años
|
ACTUALIDADE
OS RISCOS E A SÚA PREVENCIÓN
|
Pantallas de visualización de
datos
|
Poucos son os traballadores
actuais que no seu traballo non empregan unha pantalla de computadora, aínda que
sexa moi pouco tempo; para outros moitos, porén, o computador converteuse na súa
principal ferramenta de traballo e pasan fronte a ela varias horas ao día ou,
aínda, a práctica totalidade da xornada.
No traballo as computadoras
foron introducidas, coma outras tecnoloxías, sen un estudo profundo de cais
podían ser as súas consecuencias sobre as persoas que traballan, polo que foi
preciso regular esa situación a medio dunha normativa específica (
Real
Decreto 488/1997 sobre disposicións mínimas de seguranza e saúde relativas ao
traballo con equipos que inclúen pantallas de visualización
).
Basicamente os problemas
plantexados polo traballo con pantallas de visualización poden de tres tipos:
posturais, visuais e de carga mental. Na vixilancia da saúde
deberán aplicarse os
protocolos
específicos
para quen traballa con pantallas de
visualización.
|
|
Calidade do aire interior
|
Nos modernos edificios de
oficinas, dotados de aire acondicionado e moi a cotío sen fiestras practicábeis,
é habitual que os traballadores/as que desenvolven as súas tarefas neles sufran
molestias derivadas da "mala calidade" do aire interior. Estes problemas poden
ser de falla de confort térmico ou debido á contaminación química do aire
interior e, asiduamente ás dúas causas ao tempo.
|
|
Emerxencias e primeiros
auxilios
|
Os primeiros auxilios son
a primeira axuda que vai recibir o accidentado. É importante ter en conta que
unha correcta actuación nos primeiros minutos pode salvar unha vida. De aí a
importancia de ter uns coñecementos mínimos en temas de socorrismo. Demasido a
miúdo a actitude que se toma perante un accidentado é a de collelo e trasladalo
urxentemente a un centro sanitario. Esta non é, nin moito menos, a mellor
actuación e, aínda, pode resultar fatal para o accidentado. Os tres grandes
pasos que deben tomarse fronte a un ferido son: protexer, avisar,
socorrer.
|
|
Violencia no traballo
|
A violencia no traballo
abrangue as agresións físicas, as condutas físicas ou verbais ameazantes e/ou
intimidatorias e os ataques ou agresións de carácter psíquico, ben sexan
momentáneas ou reiteradas, que poda sufrir o traballador ou traballadora en
circunstancias relacionadas co traballo.
A violencia no traballo pode
ser interna (entre persoas que traballan na empresa) ou externa, cando
interveñen persoas alleas á empresa (usuarios/as dos servizos, provedores,
público en xeral...).
A VI Enquisa Nacional de
Condicións de Traballo (2007) puxo de manifesto que as formas de violencia no
traballo máis frecuentes son a violencia efectuada por persoas non pertencentes
ao lugar de traballo (público, empregados doutras empresas, etc.) que o 3,8% dos
traballadores manifesta ter padecido nos doce meses anteriores, seguida pola
discriminación por nacionalidade (1,1%) e a discriminación sexual (0,9%).
A VI Enquisa Nacional avalía
tamén a frecuencia dos casos de violencia psíquica de carácter interno
(habitualmente chamada acoso), concluíndo que, segundo se adoute un criterio
restritivo ou un criterio amplo, a porcentaxe de traballadores afectados nos
últimos doce meses oscila entre o 1,4 e o 2,9%, con cativas diferenzas entre
sectores de actividade. É o xeito máis estendido de violencia no traballo. O
acoso afecta máis a persoas xóvenes (menores de 45 anos), mulleres e nas
empresas de máis de 250 traballadores, pero as diferenzas son pequenas (o nível
máximo é do 5,1% en empresas grandes aplicando o criterio pouco restritivo).
O acoso pode ser de catro
tipos: discriminatorio, sexual, moral e institucional
e a súa prevención esixe determinadas actuacións preventivas, así como que a
empresa se dote de protocolos de actuación perante calquera situación de
violencia que se detecte.
|
|
Riscos psicosociais
|
A evolución do xeito de
traballar, cada vez máis "mental" e menos "físico", fixo que cobren unha
crecente importancia na saúde laboral os factores de risco psicosociais, que a
Axencia Europea de Saúde e Seguranza no traballo define como todo "aspecto da
concepción, organización e xestión do traballo, así como do seu contexto social
e ambiental que ten a potencialidade de causar danos físicos, psicolóxicos ou
sociais nos traballadores/as".
Os factores de risco
psicosociais poden provocar estrés e desgaste profesional, que poden rematar
provocando diversas enfermidades físicas (cardiovasculares, respiratorias...) e/ou
psíquicas (ansiedade, depresión...). Un tipo cada vez máis frecuente de risco
psicosocial é a violencia no traballo.
A VI Enquisa Nacional de
Condicións de Traballo, ao estudar os factores psicosociais considera o apoio
social, o desenvolvemento e a autorrealización profesional, a autonomía, a
estabilidade no emprego, o salario, a promoción e as relacións persoais. Estes
son algúns datos relevantes.
Máis do 50% dos
traballadores pode obter “sempre ou a miúdo” axuda dos seus compañeiros ou
superiores se a pide, pero ao redor do 15% non pode obtela “nunca ou raramente”.
Case as tres cuartas partes dos traballadores considera que fai “sempre ou a
miúdo” un traballo “ben feito” e “útil”, pero un 7% non o fai “nunca ou
raramente” e ao redor do 17% só ás veces. Mentres ao redor dun 30% dos
traballadores pode elixir ou modificar “sempre que quero” a orde das tarefas que
realiza, o método de traballo, o ritmo de traballo, a distribución e duración
das pausas e as vacacións ou días libres, entre un 20 e un 25% non pode facelo
nunca ou case nunca.
|
|
|
|
|